ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

ՀՀ ԿԳՆ գիտության պետական կոմիտեի նախագահ Սամվել Հարությունյանն այսօր հրավիրված մամուլի ասուլիսում ամփոփեց 2008 թվականին գիտության ոլորտում իրականացված ծրագրերն ու միջոցառումները, անդրադարձավ կոմիտեի 2009 թվականի ծրագրերին եւ ոլորտի համար կարեւոր նշանակություն ունեցող հետագա խնդիրներին:

Հունվարի 22-ի ՀՀ կառավարության նիստի օրակարգում ընդգրկված է գիտության ոլորտի վերաբերյալ հետևյալ հարցը`

1. Հայաստանի Հանրապետության կառավարության 2007 թվականի օգոստոսի 30-ի նիստի N 34 արձանագրության մեջ փոփոխություններ կատարելու մասին ՀՀ կառավարության որոշման նախագիծը:

Հունվարի 20-ին Փարիզում գիտական համագործակցության պայմանագիր է ստորագրվել ՀՀ կրթության եւ գիտության նախարարության եւ Ֆրանսիայի գիտական հետազոտությունների ազգային կենտրոնի միջեւ:

ՀՀ կրթության եւ գիտության նախարարության գիտության պետական կոմիտեի նախագահ Սամվել Հարությունյանը քառօրյա այցով հունվարի 19-23-ը մեկնելու է Ֆրանսիայի Հանրապետություն՝ «Հայաստանի Հանրապետության կառավարության եւ Ֆրանսիայի Հանրապետության կառավարության միջեւ մշակութային, գիտական եւ տեխնիկական համագործակցության մասին» 1995 թ. նոյեմբերի 4-ին ստորագրված պայմանագրի շրջանակներում՝ Ֆրանսիայի գիտական հետազոտությունների ազգային կենտրոնի հետ գիտական համագործակցության մասին պայմանագիր ստորագրելու նպատակով:

Հունվարի 15-ին ՀՀ կառավարության նիստի օրակարգում ընդգրկված են գիտության ոլորտի վերաբերյալ հետևյալ հարցը`

1. Հայաստանի Հանրապետության կառավարության 2008 թվականի հուլիսի 24-ի N 878-Ն որոշման մեջ փոփոխություններ և լրացում կատարելու մասին ՀՀ կառավարության որոշման նախագիծը: