ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

Այսօր ՀՀ ԿԳՆ գիտության պետական կոմիտեի նախագահ Սամվել Հարությունյանը աստղաֆիզիկայի բնագավառում գիտամանկավարժական բեղմնավոր գործունեության, ինչպես նաեւ ծննդյան 80-ամյա հոբելյանի առթիվ ՀՀ ԳԱԱ Վ. Համբարձումյանի անվան Բյուրականի աստղադիտարանի գլխավոր գիտաշխատող, ակադեմիկոս Էդուարդ Երեմի Խաչիկյանին հանձնել է ՀՀ կրթության եւ գիտության նախարարության բարձրագույն պարգեւը՝ ոսկե հուշամեդալը:

Այսօր ՀՀ ԿԳՆ գիտության պետական կոմիտեում հանրապետության գիտական եւ գիտատեխնիկական գործունեություն իրականացնող կազմակերպությունների ղեկավարների մասնակցությամբ տեղի ունեցավ աշխատանքային խորհրդակցություն:

ՀՀ ԿԳՆ գիտության պետական կոմիտեի նախագահ Սամվել Հարությունյանն այսօր հրավիրված մամուլի ասուլիսում ամփոփեց 2008 թվականին գիտության ոլորտում իրականացված ծրագրերն ու միջոցառումները, անդրադարձավ կոմիտեի 2009 թվականի ծրագրերին եւ ոլորտի համար կարեւոր նշանակություն ունեցող հետագա խնդիրներին:

Հունվարի 22-ի ՀՀ կառավարության նիստի օրակարգում ընդգրկված է գիտության ոլորտի վերաբերյալ հետևյալ հարցը`

1. Հայաստանի Հանրապետության կառավարության 2007 թվականի օգոստոսի 30-ի նիստի N 34 արձանագրության մեջ փոփոխություններ կատարելու մասին ՀՀ կառավարության որոշման նախագիծը:

Հունվարի 20-ին Փարիզում գիտական համագործակցության պայմանագիր է ստորագրվել ՀՀ կրթության եւ գիտության նախարարության եւ Ֆրանսիայի գիտական հետազոտությունների ազգային կենտրոնի միջեւ: