Ֆորում՝ «Ինովացիա: ԱՊՀ: Ապագա»
ՌԴ-ում գտնվելու ընթացքում Ս. Հարությունյանը մասնակցել է ապրիլի 4-5-ին Դուբնայում կայացած «Ինովացիա: ԱՊՀ: Ապագա» թեմայով միջազգային ֆորումին: Այն կազմակերպել էին ԱՊՀ նանոտեխնոլոգիաների միջազգային ինովացիոն կենտրոնը եւ Միջուկային հետազոտությունների միացյալ ինստիտուտը՝ ԱՊՀ անդամ երկրների միջպետական հումանիտար հիմնադրամի աջակցությամբ:
Հանդիպման նպատակն էր համախմբել ԱՊՀ գիտական, կրթական եւ գործարար ոլորտների ներկայացուցիչներին ինովացիոն գործունեության բնագավառում: Քննարկվել են ինովացիոն համագործակցության ուղղությամբ ԱՊՀ երկրների կազմակերպությունների հնարավորությունները: Մի քանի երկրների, այդ թվում՝ Հայաստանի պատվիրակները ներկայացրել են ինովացիոն գործունեության կազմակերպման իրենց երկրների փորձը:
Ֆորումում ունեցած ելույթի համար Նանոտեխնոլոգիաների միջազգային կենտրոնի տնօրեն Ա. Վ. Ռուզաեվի կողմից Ս. Հարությունյանին շնորհակալագիր է շնորհվել:
Ֆորումի ժամանակ հայտարարվել է նաեւ ԱՊՀ երկրների ինովացիայի ոլորտում նախատեսված՝ Ալեքսեյ Սիսակյանի անվան մրցանակի մասին, որին տրվել է «Ֆանտաստիկ իրականություն» անվանումը:
Տեղեկատվության եւ հասարակայնության հետ կապերի բաժին