ՀՀ կրթության, գիտության, մշակույթի և սպորտի նախարարություն Բարձրագույն կրթության և գիտության կոմիտե

2023 թ. հունվարին հայտարարված Գիտական կազմակերպությունների աշխատակիցների մասնագիտական վերապատրաստման ծրագրերի hայտերի ընտրության մրցույթի առաջին փուլի արդյունքում ֆինանսավորման է երաշխավորվել 6 ծրագիր:

ՀՀ գիտական կազմակերպությունների և բուհերի 6 աշխատակիցներ մասնագիտական վերապատրաստման և որակավորման բարձրացման նպատակով կմեկնեն արտերկրի առաջատար գիտական կենտրոններ (2 ծրագրի դեպքում՝  Ֆրանսիա, մեկական՝  ԱՄՆ, Իսպանիա, Միացյալ Թագավորություն և Իտալիա): Ծրագիրը հայ գիտնականներին թույլ կտա բարձրացնել կազմակերպությունների գիտական ներուժը, ինտեգրվել միջազգային հետազոտական տարածքին, օգտագործել և փոխառել գիտահետազոտական գործունեության մեջ առաջատար երկրների փորձն ու հմտությունները, մասնավորապես, ծրագրի շահառուների մի մասը ընդունող կազմակերպությում աշխատելու է գերժամանակակից գիտական սարքավորումներով, որոնք Հայաստանում նոր են, կամ նախատեսվում է ձեռք բերել մոտ ապագայում:

Գիտության կոմիտեն այժմ ընդունում է հայտեր Գիտական կազմակերպությունների աշխատակիցների մասնագիտական վերապատրաստման ծրագրերի հայտերի ընտրության մրցույթի երկրորդ փուլի համար:

Մրցույթին դիմել կարող է 35-50 տարեկան, գիտական աստիճան ունեցող անձը, ով ՀՀ պետական բյուջեի գիտական և գիտատեխնիկական գործունեության բազային ֆինանսավորմամբ ծրագիր իրականացնող գիտական կազմակերպության կամ բուհի հետ ունի պայմանագիր, զբաղվում է գիտահետազոտական գործունեությամբ և վերջին հինգ տարիների ընթացքում ունի կոնկրետ պահանջների բավարարող հրապարակումներ: Դիմել կարող է նաև ՀՀ պետական բյուջեի գիտական և գիտատեխնիկական գործունեության բազային ֆինանսավորման որևէ ծրագրում ընդգրկված մագիստրատուրայի ուսանողը:

Վերապատրաստման ծրագրի տևողությունը 2-ից 12 ամիս է:

Մրցույթի երկրորդ փուլի հայտերը կընդունվեն մինչև  2023 թ. օգոստոսի 25-ը:

Մրցույթի հրավերի փաթեթը